آلیس چت -->-->-->
ساقی دور ایاقه ور پیاله
بلکه منی بیر گتورسی حاله
او باده نی ور که فکر بیدار
ایلر منه نشئسی حواله
او باده نی ور که هر کیم ایچسه
چاتماز ایشی پاسخ و سؤاله
سیندیرمه بو خمره ی شرابی
پاک ایله به حکم استحاله
مین مرکب فکری ایله جولان
باش وور بو محیط سن و ساله
نه بهره جهاندا گوردی جانیم
نه آخرت اوسته لامحاله
قیش فصلی بهار عارفاندور
سوز صحبتی واردی قاله قاله
مه قویموری گون اوزی گورولسون
ابر عارض ماهه سالدی هاله
داغلار دوشی سیردور بهاران
چکمیشدیله نقشه نقش حاله
گوردون نجه سنبل و قرنفل
چاتمیشدیلا حد اعتداله
گل سطحی خزانه دوندی بیردن
هیچ کیمسه دوشونمدی مآله
گلزاریده گوللر اولدی پرپر
بلبلدان اوجالدی چرخه ناله
صد حیف اولات گچدی فصل ژاله
یوخ چولده نه ارغوان نه لاله
برچسب : نویسنده : فری farhad-s بازدید : 1213