"آي پارا" !

آي ! "آي پارا" !   

اؤووم قارا ، بختيم قارا 

اورَه‏گيم يارا ،   

من اؤلوم سن چيْخ داغا !

بلكَه بيزَه ايْشيْق ياغا    

ايْشيْغلَردَن ايمان آخا 

گؤي ، اوُلدوزدان موْنجوُق تاخا         

گَنَه آللاه بيزَه باخا  

گَنَه قيْزلار ، اَللَرينَه حنا ياخا

"آي پارا" !    

آي ! "آي پارا" !    

كَندَه ، گئجَه گليبدي

اوُلدوزلاری  دَريبدي 

اؤز اؤوينَه سَريبدي   

باغه سوْوُوخ كَسيبدي       

بولبول بوُردا غَريبدي

"آي پارا" !   

من اؤلوم چيْخ سَن داغا !          

بلكَه كندَه ايْشيْق ياغا     

بلكَه آللاه بيزَه باخا         

بوُلاغلاردان ايمان آخا       

"قوروا"لی قيْز شئعرين يازا

شئعرلَريني دئيَه سازا    

عئشق نَقشيني گؤيَه قازا

"آي پارا" !     

آي ! "آي پارا" !

بوُ گئجه سَن چيْخگينَه‏ن

قارانلوغو ييْخگينَه‏ن

موولام "علي" بيزَه گَلسئ 

بيزيم باغدا اوُلدوز اَكسئ         

باغلاردا ، عئشق بارا گَلسئ    

بالاجا باجوم گولون دَرسئ

دفتريندَه اوْنو سَرسئ

موولادان بيز آلاك دَرسئ    

موولا دَرسينئ اوْخوُياك 

آللاه آدیندان دوْيموُياك

كندَه گئجَه گَلَه‏ندَه         

اوُلدوُزلارو دَرَه‏ندَه     

بولبوللارین قَناتلارین كئسَه‏ندَه

بيز گئجَه‏دَن قوْرخمیياگ 

اورَ‏كلَردَن ايمانه بيز قوْومیياگ        

اورَ‏كلَردَه ايمان آيی پارلاسین

هئچ بير اورَك ايمانسز قالماسین

"آي پارا" !      

آي ! "آي پارا" !